Apne mathe per,
dehshat, nafrat, or munafqat
k bohat se dagh liye,
pichle salon ki tarah,
ye sal bhi hamare liye,
afsos, nafrat or pachtave,
ki fasal chor kr ja raha hai.
Lekin sal k is akhari dubte huay suraj,
k mathe per chamak bhi to hai,
tumhari or meri dosti,
k rishte ki chamak,
aik dusre ki muhabbat, ehtram or khalus-e-dil,
k noor mein gundhi hui chamak.
Pachtavon or nafraton ki fasal k sath sath,
ye hume bahami muhabbat or pur khalus dosti,
ki sughaat bhi to baksh gia hai.
mujhe umeed hai k,
agle sal ka nokhaiz suraj,
apne mathe koi badnuma dagh,
le ker nhi jaye ga.
Bulke wo apni chamak se.
humari muhabbat or dosti,
ki is fasal ko or bhi zarkhaiz bana de ga.
To aao jane wale ko mil ker alwida keren,
or aane wale ka purjosh istaqbaal keren,
Umeed bhare dilon k sath....!!