muhabat rog hai janan
ajab sanjog hai janan
yeh kesa rog hai janan
bare boorhe batate the
kai kisse sunate the
magar hum mante kab the
wo batin zikar k qabil
bhala gardante kab the
anaa k takht pr bethe
hamin maloom hi kab tha
anaa k takaht se oopar
bohat sari bulandi pr
kahin parion k jhurmat main
tere paon ki pail main
ghani zulfon ki shaon main
tere chote se gaion main
sitare chand sooraj
walhaana raqas karte hain
tere qadmon ki ahat pr
gulabi muskurahat pr
tere honton ki junbish pr
tere sar k ishare pr
adaye kafrana pr
nigahe qatlana pr
sadaye dilbarana pr
chaman k phool sare
is taraha se dhiyan dete hain
zara se wasal k jhanse main
apni jaan dete hain
hamin adrak hi kab tha
tere pekar main dhal kar handni
her soo bikharti hai
shabe mehtab ki doshezgi kase nikharti hai
tere nagme fiza main kase
jaltarang bajate hain
bohat pukhta irade
kis tarha se toot jate hain
hamin to zaam tha janan
kisi soorat hum pr koi jadoo nahi ho ga
dile dana kabhi qaboo se beqaboo nahi ho ga
yeh dunia dar dunia daar se sadhoo nah ho ga
magar phir u huva janan
ajab fasoon hova janan,
na jane kyon hova janan,
jigar ka khoon huva janan,
tere abroo ki junbish k ghaiyal ho gaye hum b
sikhawat karne aaye the or saail ho gaye hum b
bare boorhon ki in baton k qaail ho gaye hum b
