Jaagne walo Abhi Tak to ye Shab Hai Apni
is Ke Baad Aayegi jo Subha-e-Tarab Hai Apni

Raaste Lot Ker Apni Hi Taraf Aate Hain
Justuju Gair ki Hai Aur talab Hai Apni

Nagahaan Phail Gai Tujh se MulaQat Ki Gard
Warna Ruswai Kisi Aur Sabab Hai Apni

Tum Ne Jis Haal Main Jalte Hue Ab Dekha hai
Ye to EK Umr Ki Kaifiyat-e-Shab Hai Apni

Mukhtasar Hum kiye Dete Hain Tumhari Khatir
Waise Roodad To Tafseel Talab Hai Apni

Sab Kahan Anjuman Aarai Main Hangamai-e-Zaat
Ahl-e-dil ke Liye Khulwat Bhi Gazab Hai Apni