"Baandh lain Haath Pe Seenay Pe Saja Lain Tum Ko
Jee Main Ata Hai K Taweez Bana Lain Tum Ko
Phir Tumhain Roz Sanwarain,Tumhain Badhta Dekhain
Kyun Na Angan Main Chambeli Sa Laga Lain Tum Ko
Ghar K Guldaan Main Pholoon Sa Saja Lain Tum Ko
Kya Ajab Khuwhish Uthi Hai Humaray Dil Main
Kar K Munna Sa Hawaon Main Uchalain Tum Ko
Is Qadar Toot K Tum Pe Humain Pyaar Ata Hai
Apni Bahon Main Bharain Maar Hi Daalain Tum Ko
Kabhi Khuwabon Ki Tarah Ankh K Parday Main Raho
Kabhi Khuwahish Ki Tarah Dil Main Bula LainTtum Ko
Hai Tumharay Liye Kuch Aisey Aqeedat Dil Main
Apnay Haathon Main Duaon Sa Utha Lain Tum Ko
Jaan Deynay Ki Ijazat Bhi Nahi deytay Ho
Warna Mar Jain Abhi Mar K Mana Lain Tum Ko
Jis Tarah Raat K Seenay Main Hai Mehtaab Ka Noor
Apnay Tareek Makanon Main Saja Lain tum Ko
Ab To Bas Ek Hi Khuwahish Hai Kisi Mor Pe Tum
Hum Ko Bikhray Huay Mil Jao Samhalain Tum Ko