Mujhay darya nahi likhna mujhay sehra nahi likhna
tasalsul se safar main hoon mujhay thehra nahi likhna...

purany rabtoon ki raakh abtak dil main baqi hay
meri jalti hathaili per naya wada nahi likhna...

ANA se jeet kr usko ager jo main ne khoya hay
mera noha nahi likhna mera naghma nahi likhna...

basat-e-zindgi ki akhri sarhad pe khara hoon
mujhy faateh nahi likhna mujhay mohra nahi likhna...

gawahi apny dil se loo tumhara dil kya kehta hay
mujhay jhoota nahi likhna mujhay sacha nahi likhna...

main uski yaad main gum hoon, k apny ap main gum hoon
mujhay mehfil nahi likhna mujhay tanha nahi likhna

ye na ho k tum kabhi usko mitana chaho, na mitty
mujhay apna samjh lena magar apna nahi likhna...

meri ankhoon main batain hain magar chehray pe gehri chup
meri ankhoon ko likh dena magar chehra nahi likhna...

kahin aisa na hoo meri kasak us dil main reh jaey
mera dukh dard likh dena magar gehra nahi likhna.