yeh sab kuch bhool jane par mujhe majboor mat karna
muhabat aaina hai,aaine ko choor mat karna

mujhe hi khak kar dalo,yeh qissa pak kar dalo
magar wo nargasi aankhin kabhi be noor mat karna

wafa ke is fasane ko,jafaa ki shakhsaane ko
kisi kisse kahani ki tarha mashhoor mat karna

bohat majboor ho jao,nazar se door ho jao
to phir itni guzarish hai k dil se door mat karna

hamari zindagani main,balaye nagihani main
khushi ka aik jhonka hai,ise kafoor mat karna

POET;-MASOOD AHMAD