Tanhaiyan Sametay Howe Is Jahan Se
jis Tarah Hum Aae Thay Usi Tarah Chaldiye

Tha Dil Yeh Daga Baz Aur Jan Bewafa
Phir Tor Ke Yeh Nata Dil-O-Jan Se Chaldiye

Kion Taza Karen Yaad Us Bewafa Ki Hum
Hum Thay Jahan Se Aae Phir Wahin Ko Chaldiye

Hum Arzo Karen Bhi To Kia Is Jahan Ki
Jab Chashm-E-Nam Aaye Thay Ab Ro Ke Chaldiye

Yeh Zindagi Hai Maut Hai? Kuch Bhi Khabar Nahin
Ab Band Hoi Yeh Aankh To Jeenay Ko Chaldiye

Dunya Yeh Bewafa Hai Samajh Hi Na Sake Hum
Jab Na Samajh Thay Aaye Samajh Ker Yeh Chaldiye

Paya Tha Is Jahan Se Afzal Buhat Kuch
Jane Lage Jahan Se To Sab Kho Ke Chaldiye